12.02. -11.11 Homborjer RaDhaus
Um Elfe am Zwöfde das is doch klar,
do feiere ma im Anzuch mit üppichem Haar.
Im RaDhaus Homborch sinn meer heit,
bereit zur närrische Weiberzeit.
Männliche Stadtschlippse – nä, wie hieß das noch?
Stadtspritze? Ach was, das war doch Quatsch!
Stadtspitze! So iss es recht,
doch heit kriegt Ihr närrisch ä Gefecht!
Huppse meer jetzthinaus in die Faschingshitze,
unn mache RaDau in der Stadtspitze!
Michael (ei wo iss er dann??), geb de Schlüssel raus,
die Weiber regiere jetzt im Haus!
Jetzt werd reiner Tisch gemacht,
es werd gebutzt unn herzhaft gelacht,
unn hinnerher – ganz ungeniert –
wird klimaschützendes Grienzeich inschdalliert.
Dazu suche mir- ganz ethisch korrekt-
Investor*innen, mit Herz und Verstand direkt.
Mir gewwe der Stadt e weibliche Stimm,
mit Mut – unn närrischem Sinn.
Die alde Mannsleit hann`s echt schwer.
Die verschanze sich lieber im Autoverkehr.
Ä dicker Jeep, ä feister BMW –
Do käm ma doch besser mit em Rad ins Homborjer Café.
Äh – Ohlio!
Im Café wachst es Geld net uff de Beem,
Zukunftstechnologie – des wär scheen!
Ä gudi Ansprach, ä scheeni Stadt,
jetzt mache mir Weiber was aus demm, was ma hat!
Mir bunte Weibsleit – egal ob grien, ob rot –
Mir helfe dem Lindestädtche kreativ aus de Not.
Endlich lieber Michael, (ei himmel noch, wo iss er dann??) hann mas geschafft,
du musch mol weiche mit der freundliche Gefolgschaft.
Der Ort, an demm mir uns heit befinne,
wird von alle RaDhaus genannt – so is es inne.
Obwohl – un des is doch ä Witz –
Es Rad ist hier mehr als gebannt, ich bitt!
Selbst de Manfred , unser Mobilitätssnetzwerker, schraubt liewer am Auto als am Fahrradlenker!
Vum Philipp ganz zu schweige –
Denne ginnge ma noch uffnemme in unsere Reihe. Der misst sich ä Räckche anziehe geschwind,
unn mit em Radel ums Ordnungsamt, ganz geschniegelt im Wind!
Ihr all – ihr hann noch ä Channgs,
drumm ess den Muffin mit Rad zum spätere Tanz.
Es helft euch üwwer die schwieriche Zeide,
in denne sonschd die Weiber leide.
Frau Puchner – die lila Göttin am Ort,
wenn´s die net gäb, wär´s schlecht beschdellt ums Kabinett dort!
Unn wär das Haus stabil uff de Been,
do hätt´s schunn im Ingang die Räder bequem!
So Ihr Männer, jetzt lossen eich saan,
gewwe uns Weiber e freie Bahn!
Alaaf und Hellau – mir meine es heiter,
doch mit uns geht`s in Homburg klar weiter!
Ihr beschdimme gern, was aus`m RaDhaus
Über die KLEIN –e Webseid no ause geht – ganz famos.
Ihr beschdimme, was im Busche sich dreht,
doch heit wird geguckt, dass de Wind sich verweht!
Denn enns lass ich euch sage, ganz ohne Zorn:
Mit uns Weiber wird Homborch neu geborn!
Mit Rad statt Stau, mit Herz statt Beton,
mit Zukunft – un net nur Tradition!
Drum hebt die Gläser, lacht laut unn froh,
die Weiber sin jetzt am Steuer – sowieso!
Mir trete die Pedal – mit Schwung un Verstand,
un fahre die Stadt in e bessre Land!
Homburg – mach dich bereit,
jetzt kommt die weibliche Narrischkeit!
Alaaf un Helau! Un dreifach Rad-
Auf unser scheenes Homborch, unsre Stadt!
Die bunte Weiber.
